ԱՄՆ նախագահի անվտանգության հարցերով նախկին խորհրդական Մայքլ Ֆլինի կողմից հնարավոր խախտումների մասին Պենտագոնի նախաձեռնած հետաքննությունը օրինական է , հայտնել է Սպիտակ տան մամուլի քարտուղար Շոն Սփայսերը, փոխանցում է «Ամերիկայի ձայնը»։
Պատասխանելով ՊՆ-ի անցկացրած հետաքննության մասին հարցին, Սփայսերը ասել է «Դա օրինական է։ Եթե նրանք համարում են, որ խախտում է տեղի ունեցել, ապա Պենտագոնի գլխավոր տեսուչի գրասենյակը պետք է հետաքննի այն։ Մենք ողջունում ենք դա»։
Պենտագոնի գլխավոր տեսուչը սեփական հետաքննություն է սկսել, որպեսզի պարզի, արդյոք Մայքլ Ֆլինն առանց իշխանությունների թույլատվության հոնորարներ է ընդունել օտարերկրյա աղբյուրներից։