«Երկիր Ծիրանի» կուսակցությունը քարոզարժավն այսօր՝ ապրիլի 28-ին, անցկացրել է Երեւանի Արաբկիր վարչական շրջանում: Կուսակցության նախագահ Զարուհի Փոստանջյանն ու կուսակցության մյուս անդամները շրջել են փողոցներով եւ բաժանել բուկլետներ, որտեղ ներկայացված է եղել «Երկիր Ծիրանիի» նախընտրական ծրագիրը: Զարուհի Փոստանջյանը զրուցել է անցորդների հետ, նրանց ներկայացրել կուսկացության ծրագիրն ու հորդորել մայիսի 14-ին անպայման գնալ ընտրությունների եւ իրենց ձայնը տալ նախընտրած թեկնածուի օգտին:
Հիշեցնենք, որ մայիսի 14-ին տեղի կունենա Երեւանի ավագանու ընտրությունները, որին մասնակցելու է Հայաստանի հանրապետական կուսակցությունը, «Երկիր Ծիրանին» եւ «Ելք» դաշինքը: