Հույն ձկնորսները 7-մետրանոց շնաձուկ են բռնել Սկոպելոս կղզու մոտ՝ Էգեյան ծովի արեւմտյան մասում, հայտնում է skopelos-news.blogspot.gr տեղական բլոգը:
Ավելի քան 300 կգ կշռող շնաձուկը ընկել է կղզում հայտնի ձկնորս Բրուսիանիս եղբայրների ցանցի մեջ: Շնաձկան լուսանկարը հրապարակվել է համացանցում:
Հունաստանի մերձակա ջրերում խոշոր շնաձկներ հազվադեպ են հանդիպում: Սակայն մարտին Նեա Կիո ձկնորսական բնակավայրի ձկնորսները 4-մետրանոց շնաձուկ էին բռնել, իսկ 2 օր անց եւս մեկ շնաձուկ, որն ունեցել է 2,5 մետր երկարություն: