Հռոմի Ֆրանցիսկոս պապը Կահիրեի մարզադաշտում կաթոլիկ պատարագ է մատուցել: Euronews-ի փոխանցմամբ՝ պատարագին 25 հազար մարդ է մասնակցել:
Սրբազան Քահանայապետը բոլոր կրոնների ներկայացուցիչներին կոչ է արել միավորվել բռնության եւ անհանդուրժողականության դեմ, այդ թվում՝ կրոնական:
Հռոմի պապի այցը Եգիպտոս կայացավ ղպտիների տաճարների վրա նոր հարձակումներից երեք շաբաթ անց:
Ավելի վաղ Ֆրանցիսկոս պապն այցելել է այն եկեղեցի, որտեղ անցյալ տարվա դեկտեմբերին ահաբեկչություն էր իրականացվել: Չնայած վտանգավոր իրադրությանը՝ Հռոմի պապը չի հրաժարվել մարզադաշտի տարածքում պատարագ մատուցելուց: