ԱՄՆ նախագահ Դոնալդ Թրամփը ապրիլի 29-ին տեղի ունեցած հեռախոսազրույցի ժամանակ ֆիլիպինցի իր գործընկերոջը` Ռոդրիգո Դուտերտեին հրավիրել է Սպիտակ տուն: Այս մասին հաղորդում է The Hill-ը:
«Նախագահ Թրամփը հաճույք է ստացել շփումից եւ ասել, որ անհամբերությամբ սպասում է իր Ֆիլիպիններ այցին, որը նախատեսված է նոյեմբերին», - ասվում է Սպիտակ տան հաղորդագրությունում: Թրամփը նաեւ Դուտերտեին է հրավիրել ԱՄՆ այցելել` «ամերիկա-ֆիլիպինյան դաշինքի կարեւորությունը քննարկելու համար»:
Դուտերտեն իրեն ներկայացրել է որպես Թրամփի մեծ երկրեպագու, նրան իմաստուն եւ առաջադեմ մտածող անվանել եւ այդ իմաստով համեմատել իր հետ:
Սակայն Դուտերտեն բոլորովին այլ հարաբերությունների մեջ էր ԱՄՆ-ի նախորդ վարչակազմի հետ: Նա ԱՄՆ նախկին նախագահ Բարաք Օբամային առաջարկել է գնալ գրողի ծոցը, որից հետո Վաշինգտոնը որոշել է դադարեցնել Ֆիլիպիններին օգնության ծրագիրը: