Ֆրանսիայում նախագահի թեկնածու Մարին Լը Պենը Europe 1 ռադիոկայանի եթերում հայտարարել է, որ ցանկանում է Եվրամիությունը փոխարինել «Ազատ ու ինքնիշխան պետությունների Եվրոպական դաշինք»-ով, հաղորդում է «ՌԻԱ Նովոստի»-ն։
«Ես եվրոպացի եմ, բայց չեմ ցանկանում Եվրամիություն կոչվող այդ քաղաքական կառույցը, որն ամբողջությամբ շեղվել է ուղուց։ Այդ դեպքում, միգուցե նրա համար նոր անվանում գտնենք՝ ժողովուրդների ու համագործակցության այդ նոր Եվրոպայի համար...Օրինակ, Եվրոպական դաշինք, որը երկրներին թույլ կտա միանալ նախագծերի, որոնք չեն հակասում իրենց ազգային շահերին, քանի որ ԵՄ-ի հիմնական խնդիրն այն է, որ նա գործնականում տոտալիտար է դարձել», — հայտարարել է Լը Պենը։
Նա նշել է, որ հավատում է, որ եվրոպական երկրներից գործընկերների հետ միասին, որոնք եւս տառապում են ԵՄ-ի պատճառով, ինքը «կարող է արմատապես փոխել Եվրամիության գործառույթային մոդելը, որը նաեւ կարող է կոչվել Ազատ ու ինքնիշխան պետությունների Եվրոպական դաշինք»։