ԼՂ հակամարտության կարգավորման հարցում մեծ դեր է խաղում երկու գործոն՝ ժամանակն ու հակամարտության կողմերի մտադրությունների լրջությունը։ Այս մասին АПА-ին հայտարարել է Իրանի ԱԳՆ խոսնակ Բահրամ Քասեմին։
«Հակամարտության կարգավորման հարցում շատ գործոններ են դեր խաղում։ Վերջում դրանք բոլորը պետք է միավորվեն, որպեսզի հարցը գտնի իր լուծումը։ Այդ պատճառով էլ ես կարծում եմ, որ կարծիքն այն մասին, թե հակամարտությունը կարող է լուծվել մեկ մարդու կամ մեկ ուղղության կողմից, ճիշտ չէ։ Հակամարտության կարգավորումը հնարավոր է միայն բոլոր գործոնները հաշվի առնելով», - հայտարարել է ԱԳՆ խոսնակը։
Բ. Քասեմին նշել է, որ ԼՂ հակամարտության կարգավորման հիմնական գործոններից մեկը ժողովուրդն է. «Պետք է լրջորեն մոտենալ այդ հարցին։ Առանց ժողովրդի կամքը հաշվի առնելու լուծել ԼՂ հակամարտությունն անհնար է։ Այս հակամարտության կարգավորման հարցում ժողովրդի դերը վճռորոշ կլինի»։