Երեւանի մնացած թաղամասերում կյանքի որակը պետք է չլինի ավելի վատ, քան կենտրոնում։ Այս մասին հայտնել է Երեւանի քաղաքապետ, քաղաքապետի թեկնածու Տարոն Մարգարյանը Աջափնյակ թաղամասի բնակիչների հետ հանդիպման ժամանակ։
Կոմունալ ծառայությունները, տրանսպորտը, դպրոցները, բակերի բարեկարգումը՝ այդ ամենի մասին քաղաքապետարանը հիշում էր քաղաքային իշխանությունների նախորդ ընտրությունների ժամանակ, հիշում է նաեւ հիմա, հայտնել է Մարգարյանը։
«Երեւանը Եվրոպայի ամենագրավիչ զարգացող քաղաքներից է։ Եվ զարգացած ենթակառուցվածքներով, եւ անվտանգությամբ։ Բայց դա չի նշանակում, որ այլեւս ոչինչ անել պետք չէ։ Մենք հենց դրա համար էլ խնդրում ենք ձեր վստահությունը, որպեսզի շարունակենք աշխատանքը»,- հավելել է նա։
Հիշեցնենք, որ Երեւանի ավագանու ընտրությունները կանցնեն մայիսի 14-ին։ Ընտրություններին մասնակցում են ՀՀԿ-ն, «Ելք» դաշինքն ու «Երկիր ծիրանի» կուսակցությունը։ Քաղաքական ուժերի ցուցակների 1-ին համարները քաղաքապետի պաշտոնի թեկնածուներն են (ՀՀԿ-ի ցուցակի առաջին համարը Տարոն Մարգարյանն է)։