Ժամը 20։00-ին ավարտվել է Երեւանի ավագանու ընտրությունների քվեարկությունը։ Մայրաքաղաքի 474 ընտրատարածքներում սկսվում է ձայների հաշվարկը։ Ժամը 21։00-ին կհայտարարվեն վերջնական տվյալները ընտրողների մասնակցության մասին, որը զգալիորեն ավելի ցածր էր, քան ապրիլի 2-ին կայացած խորհրդարանական ընտրություններում։ Ժամը 17։00-ի դրությամբ Երեւանի ընտրողների մասնակցությունը կազմել է 34․52 տոկոս, մինչդեռ խորհրդարանական ընտրությունների ժամանակ, քվեարկության ավարտից երեք ժամ առաջ, քվեարկել էր ընտրողների 49․06 տոկոսը։

Քաղաքային իշխանություններում տեղերի համար պայքարում են ընդամենը երեք քաղաքական ուժեր՝ ՀՀԿ-ն, «Ելք» ընդդիմադիր դաշինքը ու վերջերս ստեղծված «Երկիր ծիրանի» կուսակցությունը ։ Ավագանին, որը ընտրվում է 5 տարի ժամկետով, ձայների մեծամասնությամբ կնշանակւ Երեւանի քաղաքապետին։ Քաղաքապետի թեկնածուներն են համամասնական ցուցակների առաջին համարները՝ գործող քաղաքապետ Տարոն Մարգարյանը (ՀՀԿ), նոր գումարման ԱԺ պատգամավոր Նիկոլ Փաշինյանը («Ելք» դաշինք) ու «Ժառանգություն» կուսակցության նախկին բազմամյա անդամ Զարուհի Փոստանջյանը («Երկիր ծիրանի»)։