ԱՄՆ Քալիֆոնրիա նահանգի բանտում տեղի ունեցած ծեծկռտուքի հետեւանքով տուժել է ութ ոստիկան եւ յոթ կալանավոր, հաղորդում է AP գործակալությունը:
Զանգվածային ծեծկռտուքը տեղի է ունեցել չորեքշաբթի՝ Pelican Bay State Prison խստացված ռեժիմի բանտում: Միջադեպը տեղի է ունեցել այն ժամանակ, երբ երկու կալանավորներ չեն կատարել բանտապահների՝ վիճաբանությունը դադարեցնելու պահանջը: Կալանավորների մի քանի խումբ գնացել է դեպքի վայր եւ հարձակվել ոստիկանների վրա: Վերջինները ստիպված են եղել կրակ բացել:
Իշխանության տվյալներով՝ հինգ կալանավոր հրազենային վիրավորում է ստացել, վեց բանտապահներ բժշկական օգնություն ստանալուց հետո դուրս են գրվել հիվանդանոցից, իսկ երկուսի վնասվածներն ավելի լուրջ են: