Ռուսաստանի եւ Իրանի միջեւ «նավթ՝ ապրանքի դիմաց» գործարքը կնքված է։ Իրանը սպասում է ռուսական կողմի վավերացմանը։ Այս մասին հայտարարել է Իրանի նավթի նախարար Բիժան Զանգանեն, հաղորդում է «ՌԻԱ Նովոստի»-ն։
«Գործարքը կնքված է։ Այժմ մենք սպասում ենք միայն ռուսական կողմի վավերացմանը։ Բարդություններ չեն ծագել, պայմանագիրը ստորագրել ենք, կողմերի միջեւ ամեն ինչ համակարգված է»,- ասել է նա։
Ավելի վաղ Ռուսաստանի Էներգետիկայի նախարար Ալեքսանդր Նովակը հայտնել էր, որ «նավթ՝ ապրանքի դիմաց» ծրագրի շրջանակում Իրանի եւ ՌԴ-ի համագործակցությունը կարող է սկսվել արդեն 2017 թվականին։
