Հայկական Expper սթարթափը ինժեներիայի դպրոցական դասընթացների համար ռոբոտի նոր մոդել է ստեղծել։ Մոդելը ներկայացվել է Հայաստանի ամերիկյան համասարանում՝ Barcamp IT ֆորումում։
Թիմը մուտքային ազդանշանները մշակող պլատա է նախագծել (գույն, խոչընդոտ, ջերմաստիճան եւ այլն), որոնք հատուկ հաղորդիչներով ռոբոտին են փոխանցվում։ Դրանից կախված՝ այն կատարում է անհրաժեշտ ուղղությամբ շարժվելու հրահանգները, ստացված տվյալները փոխանցում համակարգչին եւ այլն։
«Սկզբունքայնորեն, դա կարող է լինել ցանկացած ազդանշան։ Այսինքն՝ ռոբոտին կարելի է միացնել ցանկացած հաղորդիչ։ Եթե դպրոցականի ձեռքի տակ ռոբոտատեխնիկա է հայտնվում, ի՞նչն է նրա համար ավելի լավ՝ մոդել հավաքել ըստ տրված ցուցումների, թե՞ փորձել հավաքել սեփական մոդելը։ Մենք հատուկ ենք յուրատեսակ հրահանգիչ ստեղծել, որից նա կարող է առանձնացնել հաղորդիչները։ Աշակերտը կկարողանա ինքնուրույն հավաքել ու ծրագրավորել»,- NEWS.am-ի թղթակցի հետ զրույցում հստակեցրեց Expper-ի հիմնադիրներից Կարեն Խաչիկյանը։
«Սկսնակների համար մենք հատուկ գրադարաններ ենք կազմել, իսկ հետո դպրոցականները կկարողանան յուրաքանչյուր սարքի համար իրենք գրադարան կազմել»,- ասաց Խաչիկյանը՝ պատասխանելով ռոբոտների ծրագրավորման լեզվի վերաբերյալ հարցին։