Հնդկական տիեզերական հետազոտությունների կազմակերպությունը մտադիր է հունիսի առաջին օրերին իրականացնել հնդկական մշակման ծանր հրթիռակրի փորձարկումը։ ՏԱՍՍ-ի փոխանցմամբ՝ նոր հրթիռը թույլ է տալիս իրականացնել ազգային տիեզերական ծրագիր։
GSLV MK-III կրիչը ունակ է մոտ 8 տոննա զագվածով օգտակար բեռ դուրս բերել երկրամերձ ուղեծիր։ Հեռուստաալիքը նշում է, որ դա Հնդկաստանում մշակված ամենահզոր ու ծանր հրթիռն է։ Դրա քաշը համադրելի է 200 հնդկական փղերի քաշի հետ ու այն ստեղծված է ամբողջովին հնդկական տեխնոլոգիաներով։
Եթե հրթիռակրի առաջին արձակումը հաջող լինի, դրա օգնությամբ մոտ ապագայում առաջին անգամ տիեզերք կուղարկվի հնդկական անձնակազմ՝ հնդկական հրթիռով ու հնդկական տարածքից։ Եթե այդ ծրագիրն իրականանա, Հնդկաստանը կդառնա Ռուսաստանից, ԱՄՆ-ից ու Չինաստանից հետո չորրորդ երկիրը, որն ունակ է ինքնուրույն ուղարկել մարդկանց տիեզերք։
Մինչ այդ տիեզերական հետազոտությունների հնդկական կազմակերպությունը հայտնել է, որ չի բացառում, որ հնդկական հրթիռով առաջինը տիեզերք կմեկնի կին տիեզերագնաց։