Հայաստանն ու Կիպրոսը համաձայնագրեր են ստորագրել ռազմական համագործակցության ծրագրի մասին ու պայմանավորվել են գաղտնի տեղեկությունների փոխանակության ու պաշտպանության մասին։
Համաձայնագրերը ստորագրվել են ՀՀ պնախարար Վիգեն Սարգսյանի Կիպրոս կատարած այցելության ժամանակ։ Վիգեն Սարգսյանի ու Կիպրոսի պնախարար Քրիստոֆորոս Ֆոկաիդեսի միջեւ բանակցություններին հաջորդել է ընդլայնված կազմով հանդիպում։
Սարգսյանի կընդունի նաեւ Կիպրոսի նախագահ Նիկոս Անաստասիադիսը։ Նախարարը նաեւ հանդիպումներ կունենա Ներկայացուցիչների պալատի նախագահ Դիմիտրիս Սիլուրիսի, ԱԳ նախարար Իոաննիս Կասուլիդեսի ու Կիպրյան ուղղափառ եկեղեցու եպիսկոպոս Քրիզոստոմ 2-րդի հետ։