Lexus ընկերությունը ներկայացրեկ է CT 200h թարմացված հիբրիդը։ ԱՄՆ շուկայի համար դա վերջին թարմացված մոդելն է։ Բացի այդ, լուրեր են պտտվում, թե մյուս շուկաներում եւս ավտոմեքենան կփոխարինեն փոքր քրոսովերով, փոխանցում է Motor-ը։

Նորացված հիբրիդը կարող է տարբերվել ռադիատորի ցանցով եւ այլ լուսարձակներով, որոնց լուսադիոտային շերտերը տեղափոխվել են բլոկի վերին հատված։ Փոխվել են նաեւ բամփերները, հետին լուսարձակները եւ անվային նոր սկավառակներ են հայտնվել՝ 15-17 դյույմ տրամագծով։

Սրահում նոր մուլտիմեդիոն համալիր է հայտնվել, ինչպես նաեւ ինտերյերի նոր տարբերակներ։ Նոր է նաեւ Lexus Safety System+ անվտանգության համակարգը։

Թարմացված հիբրիդն առաջիկայում կսկսվի վաճառվել Եվրոպայում, Չինաստանում ու Ճապոնիայում։