Առաջիկա 30 տարում մարդկությունը պետք է սկսի գաղթել Երկրից։ The Telegraph-ի փոխանցմամբ՝ այս մասին հայտնել է գիտնական Սթիվեն Հոքինգը։ 

«30 տարին բավական է Լուսնի վրա բազա ստեղծելու համար։ Մարսի վրա բազա կարելի է ստեղծել 50 տարում։ Այնտեղ պետք է ուղարկել, բույսերի, կենդանիների ու սնկերի նմուշներ։ Երկիրը շատ փոքր է դառնում մեզ համար, մեր ֆիզիակական ռեսուրսները տագնապալի տեմպերով սպառվում են»,-հայտարարել է ֆիզիկոսը։

Նրա կարծիքով՝ միգրացիան թույլ կտա խուսափել մոլորակի գերբնակեցումից եւ գլոբալ տաքացման հետ կապված խնդիրներից։ Հոքինգը վստահ է, որ դա մարդկության զարգացման բնական ճանապարհ է։