2016 թվականին Հայաստանը ՀՆԱ-ում մեծացրել է բյուջետային ծախսերի մասնաբաժինը՝ տնտեսությանն աջակցելու նպատակով։ Այս մասին ասվում է Հայաստանի պետբյուջեի կատարողականի մասին հաշվետվությունում, որի շուրջ լսումները մեկնարկել են հունիսի 26-ին, Ազգային ժողովի մշտական հանձնաժողովներում։

Ելնելով Հայաստանի 2,2 տոկոս տնտեսական աճի կանխատեսումներից՝ 2016 թվականին ծրագրվում էր հավաքագրել շուրջ 1 տրիլիոն 186,3 մլրդ դրամ, դրանցից 1 տրիլիոն 154,8 մլրդը՝ ներքին աղբյուրներից, իսկ մնացյալ 31,5 մլրդը՝ արտաքին։ Սակայն եկամուտներից հավաքվել է միայն 1 տրիլիոն 171,1 մլրդ դրամ։ Դա ծրագրի 91,6 տոկոսն է կամ 0,3 տոկոսով ավելին, քան 2015 թվականին։ Պատճառը նաեւ 0,7 տոկոս կազմած տնտեսական աճն է։ Բյուջեի եկամուտները կազմել են ՀՆԱ 23,1 տոկոսը։

Պետբյուջեից ծախսերը, ծրագրի համաձայն. 1 տրիլիոն 377 մլրդ դրամ պետք է կազմեին։ Տարվա ընթացքում դրանք ավելացան 6 տոկոսով՝ հասնելով մինեչւ 1 տրիլիոն 459 մլրդ դրամի՝ արտաքին ցնցումների պայմաններում տնտեսությանն աջակցելու նպատակով (մետաղների գների նվազումն ու Ռուսաստանում տնտեսական բարդությունները)։ Փաստացի, բյուջեի ծախսերը կազմել են 1 տրիլիոն 449 մլրդ դրամ։ 

2016 թվականին՝ նոմինալային ՀՆԱ-ի 0,7 տոկոս աճի պայմաններում, բյուջեի ծախսերն ավելացան 2,8 տոկոսով, ինչն էլ հանգեցրեց ՀՆԱ-ի նկատմամբ բյուջեի ծախսերի ավելացմանը։

Այսպես, 2015-ին այն կազմում էր 28 տոկոս, իսկ 2016-ին ծրագրվում էր այն հասցնել 25,3 տոկոսի։ Սակայն արդյունքում ստիպված եղան հասցնել 28,6 տոկոսի։