Իսպանիայի Մայորկա կղզում շնաձուկը լողափ է նետվել, ինչը հանգստացողների շրջանում խուճապ է առաջացրել, փոխանցում է Sky News-ը։
Միջադեպը տեղի է ունեցել հանրաճանաչ Մագալուֆ հանգստի գոտու մերձակայքում։ Գիշատչի հայտնվելուց հետո լողափը զբոսաշրջիկների համար ժամանակավորապես փակել են։
Փորձագետները զննել են կապույտ շնաձկանը։ 2,5 մետր երկարությամբ գիշատչին վիրավորել են տեգով։ Մասնագետների խոսքով՝ դա էլ նրան ստիպել է ափ նետվել։ Շնաձկանը ցավազրկող են տվել, հետո ծով բաց թողել։