Վաորանի հնդիկ ժողովրդի որսորդները գիտնականներին անակոնդայի նախկինում անհայտ տեսակ են ցույց տվել, հայտնում է CNN-ը։
Աշխարհի ամենամեծ օձին սեփական աչքերով տեսնելու համար գիտնականները ստիպված են եղել 10 օր շրջել Էկվադորի ջունգլիներով, իսկ հետո իջնել գետը: Ափին նրանք նկատել են ծանծաղ ջրում թաքնված և որսի սպասող մի քանի անակոնդա:
Գիտնականների կողմից հայտնաբերված էգերից մեկի երկարությունը 6,3 մետր էր։ Ականատեսների վկայությամբ՝ տարածքում հայտնաբերված որոշ նմուշների երկարությունը հասնում է 7,5 մետրի, իսկ քաշը՝ 500 կիլոգրամի:
Փորձագետները եկել են այն եզրակացության, որ այս անակոնդաները տարբերվում են նախկինում հայտնի Eunectes murinus (կանաչ անակոնդա) տեսակներից և առաջարկել են դրանք տարբերակել որպես Eunectes akayima-ի (հյուսիսային կանաչ անակոնդա) առանձին տեսակ: Բացահայտման մասին զեկույցը հրապարակվել է Diversity գիտական ամսագրում:
