Իսրայելի տարածքային կառավարման նախարարը հավանաբար հուլիսի 25-ին Հայաստան կայցելի: Այս մասին հունիսի 26-ին` լրագրողների հետ հանդիպման ժամանակ հայտնեց Կնեսետի նախկին պատգամավոր Ալեքսանդր Ցինկերը:
Նրա խոսքով` դա շատ հետաքրքիր այց կլինի, քանի որ Իսրայելի նախարարները Հայաստան շատ հազվադեպ են այցելում եւ հակառակը: «Իսկ սեպտեմբերի 10-ից 13-ը մենք ծրագրում ենք հայ-իսրայելական բարեկամության միջխորհրդարանական խմբի ղեկավար Թալի Պլոսկովի եւ Կնեսետի մի քանի պատգամավորների այցը, ինչպես նաեւ մի շարք բիզնեսմենների, որոնք Հայաստանում նախագծերի մեջ ներդրումներ են կատարել: Մենք ցանկանում ենք շահագրգիռ անձանց գտնել` կոնկրետ նախագծերի քննարկման համար»,- նշեց Ցինկերը:
