Երեւանը հույս ունի ԱՄՆ-ի հետ համաձայնագիր կնքել, որպեսզի Հայաստանը լքի վերահսկվող արտահանությամբ երկրների ցանկը։ Այս մասին Sputnik-ի հետ հարցազրույցում հայտարարել է ԱՄՆ-ում Հայաստանի դեսպան Գրիգոր Հովհաննիսյանը։
«Մենք իրավական դաշտում մի քանի համաձայնագրեր ունենք, որոն կցանկանայինք ավարտին հասցնել մինչեւ կրկնակի հարկերի գանձումը չեղարկող եւ վերահսկվող արտահանությամբ երկրների ցանկից Հայաստանին հեռացնելու շուրջ համաձայնագիրը ստորագրել», - հայտարարել է դեսպանը։
Հովհաննիսյանը նշել է, որ Հայաստանում հաջողությամբ զարգանում է տեղեկատվական տեխնոլոգիաների ոլորտը։ «Մենք կցանկանայինք մեր հաջորդ հանդիպման ընթացքում ստորագրելու համար շրջանակային համաձայնագիր պատրաստել։ Մենք դա քննարկել ենք ամերիկացիների հետ։ Հոկտեմբերին մենք կմասնակցենք Հայաստանի եւ ԱՄՆ-ի միջեւ միջկառավարական աշխատանքային խմբի նիստին, եւ շրջանակային համաձայնագիրն օրակարգում է»,-ընդգծել է դեսպանը։
Դիվանագետը նշել է, որ Հայաստանը հույս ունի՝ Վաշինգտոնը կհասկանա Երեւանի դիրքորոշումը՝ ինչպես ԱՄՆ-ի, այնպես էլ Ռուսաստանի հետ լավ հարաբերություններ ունենալու հետ կապված։ «Ռուսաստանի հետ մեր հարաբերությունները ռազմավարական են, եւ դա չի բացառում ԱՄՆ-ի հետ լավ հարաբերությունները։ Մենք հույս ունենք, որ ԱՄՆ նոր վարչակազմը կհասկանա մեր դիրքորոշումը՝ ինչպես այն հասկանում էր նախորդ վարչակազմը»,-հավելել է նա։