Կառավարությունը Պաշտպանության նախարարությանը մոտ 3,5 մլն դրամ է հատկացրել Ռուսաստանում զինծառայող Ռոլանդ Սահակյանի բուժման համար, որը հրազենային վիրավորում է ստացել առաջավոր դիրքում ծառայողական պարտականությունները կատարելիս: Որոշման համապատասխան նախագիծը հավանության է արժանացել կառավարության հունիսի 29-ի հերթական նիստում:
Որոշման նախագիծը ներկայացրել է պաշտպանության փոխնախարար Արա Նազարյանը: Նախարարի հրամանով ստեղծված հատուկ հանձնաժողովը դրական եզրակացություն է տվել Ռոլանդ Սահակյանի Ռուսաստանում բուժվելու կապակցությամբ: Այս եզրակացության հիման վրա կառավարությունը զինծառայողի բուժման համար 4,138.5 հազար դրամ է հատկացրել: Ռուսաստանի համապատասխան բժշկական վերականգնողական կենտրոնի ներկայացրած փաստաթղթերի համաձայն` Ռոլանդի բուժման վերջին փուլի եւ վերականգնման ապահովման համար անհրաժեշտ է լրացուցիչ 413,700 ռուբլի:
Անհրաժեշտ գումարը Պաշտպանության նախարարությունը կփոխանցի Ռոլանդ Սահակյանին ուղեկցող անձի (ծնողի) բանկային հաշվեհամարին: