Ռուսաստանը որոշել է դադարեցնել ԵԽ բյուջե 2017 թվականի անդամավճարի մուծումը։ Այս մասին ՌԴ ԱԳ նախարար Սերգեյ Լավրովը հեռախոսազրույցում տեղեկացրել է Եվրոպայի խորհրդի գլխավոր քարտուղար Թյորբորն Յագլանդին։
ԱԳՆ մամուլի ծառայությունից հայտնել են, որ Ռուսաստանը վճարումները դադարեցնում է մինչեւ ԵԽԽՎ–ում Ռուսաստանի Դաշնության Դաշնային ժողովի պատվիրակության իրավասությունների ամբողջական ծավալով վերականգնումը։
Զրույցի ընթացքում քննարկվել են նաեւ Եվրոպայի խորհրդի գործունեությանը ՌԴ մասնակցության այլ հրատապ հարցեր, այդ թվում՝ ԵԽ Հանցավոր գործունեությամբ ձեռք բերած ակամուտների լվացման, հայտնաբերման, առգրավման եւ բռնագրավման մասին կոնվենցիայի եւ ԵԽ Մարզական միջոցառումների ժամանակ անվտանգության միասնական մոտեցման, պաշտպանության եւ սպասարկման մասին կոնվենցիայի վավերացման ընթացքը։