Ուկրաինայի նախկին նախագահ Վիկտոր Յանուկովիչը հայտնել է, որ հրաժարվում է պետական դավաճանության մասին իր դեմ դատավարությանը մասնակցելուց ու հետ է կանչում իր փաստաբաններից, հայտնում է ՏԱՍՍ-ը։
«Ես չեմ ուզում մասնակցել մի դատավարության, որի արդյունքը նախապես հայտնի է։ Ես որոշել եմ հետ կանչեմ իմ փաստաբաններին։ Նրանց որակավորման հարցում ես կասկածներ չունեմ, բայց ոչնչացված արդարադատության երկրում փաստաբաններն անուժ են»,- հայտնել է քաղաքական գործիչը։
Պետական դավաճանության մասին Յանուկովիչի գործը քննում է Կիեւի շրջանային դատարանը։ Ուկրաինայի գլխավոր դատախազությունը մեղադրյալի համար ցմահ բանտարկություն է պահանջում՝ նշելով, որ փախստակ նախագահի հանցագործությունների ապացույցներն են ականատեսների վկայությունները, փաստաթղթերը, փորձագետների եզրակացությունները, լուսանկարներն ու տեսանյութերը
Յանուկովիչը Ուկրաինայի նախագահ է եղել 2010-2014 թթ։ Նա լքել է երկիրը Եվրամայդանից հետո, երբ բողոքի զանգվածային ցույցերի ընթացքում Ուկրաինայում 106 մարդ էր զոհվել։
