Բաքվի ծանր հանցագործությունների դատարանում շարունակվում է բլոգեր Ալեքսանդր Լապշինի քրեական գործով դատավարությունը, հայտնում են ադրբեջանական լրատվամիջոցները:
Դատական նիստում ելույթ է ունեցել ամբաստանյալի փաստաբան Էդուարդ Չերնին՝ դատարանին խնդրելով Լապշինին արդարացնել. «Լապշինի գրառումները զուտ տեղեկատվական բնույթ են ունեցել: Նա իր գրառումներում Ադրբեջանի տարածքային ամբողջականության խախտման կոչեր չի արել: Փորձագիտական եզրակացությամբ դա չի հաստատել»:
Այնուհետեւ վերջին խոսք է տրվել Ա.Լապշինին, որը հայտարարել է, որ իրեն մեղավոր չի ճանաչում, սակայն կատարածի համար զղջում է. «Ես համաձայն չեմ մեղադրանքների հետ: Ես 126 երկրներում եմ եղել: Ինձ մեղավոր չեմ համարում»:
Դատական նիստը կշարունակվի վաղը, որի ժամանակ կհրապարակվի դատավճիռը:
Հիշեցնենք, որ ավելի վաղ դատախազն առաջարկել է Լապշինին դատապարտել 6,5 տարի ժամկետով ազատազրկման՝ պատիժը կրելով ընդհանուր ռեժիմի գաղութում: