Սալվադոր Դալիի բեղերը պահպանել են ձեւն ու տեսքը: Այս մասին հայտնել են իսպանացի նկարչի մարմնի արտաշիրմմանը մասնակցած դատաբժշկական փորձագետները, գրում է The Times-ը:
«Նրա բեղերը չեն փոխվել, նույնն են՝ ինչպես նա ցանկանում էր: Դա պարզապես հրաշք է: Նրա մարմինը մումիայի է նման, այն փայտացել է»,- պատմել է փորձագետներից մեկը:
Սալվադոր Դալիի մարմինն արտաշիրմել են 61-ամյա Պիլար Աբելի պահանջով, որը հայտարարում է, որ հայտնի նկարչի դուստրն է: Նկարչի մարմնից վերցված կենսաբանական նմուշները Մադրիդ են ուղարկվելու՝ ԴՆԹ-ի անալիզ անցկացնելու համար, որպեսզի հնարավոր լինի ապացուցել Աբելի եւ Դալիի ազգակցական կապը:
