Հինգ մարդ է զոհվել Շանհայում շենքի փլվելու հետեւանքով, հայտնում է Չինաստանի կենտրոնական հեռուստատեսությունը։
Երեք հարկանի շենքը փլվել է Ցզյադին թաղամասում՝ օրվա երկրորդ կեսին, պատճառը հայտնի չէ։
Փրկարարական գործողությունը սկսվել է միջադեպից անմիջապես հետո, փլատակների տակից հաջողվել է հանել վեց մարդու, սակայն հինգը հետագայում մահացել են հիվանդանոցում՝ ստացված վնասվածքներից
Իրավապահ մարմինները հետաքննում են տեղի ունեցածի պատճառները, փրկարարական գործողությունը շարունակվում է։