Կոտայքի մարզում, այսօր, հուլիսի 24-ին խոշոր ավտովթար է տեղի ունեցել. ժամը 17:00-ի սահմաններում Երեւանի բնակիչ 22-ամյա Վաղինակ Մ.-ն իր վարած Opel Vectra մակնիշի 35 CR 717 համարանիշի ավտոմեքենայով դեպի Սեւան ընթանալիս, դուրս է եկել ճանապարհի հանդիպակաց երթեւեկելի գոտի, բախվել բաժանարար երկաթե արգելապատնեշին, այնուհետեւ ճանապարհի բաժանարար գոտում տեղակայված երկաթե գովազդային վահանակի սյանը եւ, գլխիվայր շրջվելով, հայտնվել հանդիպակաց երթեւեկելի գոտում:
Shamshyan.com-ի փոխանցմամբ, օպերատիվորեն դեպքի վայր ժամանած Աբովյանի բժշկական կենտրոնի հերթապահ խմբին վարորդը հայտնել է, որ հրաժարվում է բժշկական օգնությունից, քանի որ իրեն լավ է զգում: