Հորդանանի քաղաքացին Հոնկոնգում փորձել է ոսկյա զարդերի խանութ կողոպտել, որի ընթացքում ենթադրաբար 6 միլիոն դոլար արժողությամբ 9 ադամանդ է կուլ տվել։ Այս մասին հաղորդում է «ՌԻԱ Նովոստի»-ն՝ վկայակոչելով «Սինհուա» գործակալությունը։
Միջադեպը տեղի է ունեցել հինգշաբթի, օրվա երկրորդ կեսին, երբ ոսկյա զարդերի խանութի գրեթե բոլոր աշխատակիցները ճաշելու էին գնացել՝ այնտեղ թողնելով միայն մեկ աշխատակցուհու։ Նա է հանցագործի առջեւ բացել դուռը, որը որպես սովորական գնորդ է ներկայացել։
Հանցագործը հարվածել է կնոջը, նա կորցրել է գիտակցությունը, որից հետո փորձել է բացել չհրկիզվող պահարանը, սակայն աշխատել է ազդանշանային համակարգը։
Ձախողակ հանցագործն անհապաղ ձերբակալվել է, նրա մոտ հայտնաբերել են 5.4 միլիոն դոլար արժողությամբ 8 ադամանդներ։ Նաեւ կասկածում են, որ նա եւս 9 թանկարժեք քար է կուլ տվել։
