Իսրայելը չի կարող օգտագործել ՆԱՏՕ-ի հակահրթիռային պաշտպանության համակարգերի պոտենցիալը: Այդ մասին հայտարարել է Թուրքիայի նախագահ Աբդուլլահ Գյուլը Euronews հեռուստաալիքին տված հարցազրույցում:
Նրա խոսքով, ՀՀՊ այդ համակարգը չի կարող կապվել այն երկրների հետ, որոնք դաշինքի անդամ չեն, եւ առաջին հերթին Իսրայելի հետ:
«Իսրայելը ՆԱՏՕ-ի անդամ չէ: Այդ երկրի հետ համագործակցության մասին խոսք լինել չի կարող»,- ասել է Գյուլը:
Նա նշել է նաեւ, թե Թուրքիան չի կարող մոռանալ Իսրայելի հարձակումը «Ազատության նավատորմի» վրա:
«Իսրայելի հարձակումը շատ բան փոխեց: Իսրայելական բանակը հարձակվեց մարդասիրական նավատորմի վրա եւ շատերին սպանեց: Նման բանը մոռանալն անհնար է»,- նշել է Գյուլը: