Վայրի Բնության պահպանության եւ մշակութային արժեքների պահպանման հիմնադրամը (FPWC) հայտարարում է, որ «Խոսրովի անտառ» պետական արգելոցը եւ Կովկասյան կենսաբազմազանության ապաստարանն այրվում են, ինչի հետեւանքով շուրջ 35 հազար հեկտար պահպանվող տարածք կարող է ամբողջությամբ վերանալ։ Տասնամյակներ կպահանջվեն՝ վերականգնելու կորսված արժեքավոր էկոհամակարգը: NEWS.am-ը FPWC-ից տեղեկանում է,
FPWC-ն կոչ է անում բնապահպանական հանրությանն օգնել դիմակայել այս մարտահրավերին։
«Շտապ կարիք կա հրշեջ սարքավորումների՝ տրանսպորտային միջոցներ, պոմպեր, գործիքներ եւ հանդերձանք։ Կարող եք օգնել նաեւ ֆինանսապես։ Բոլոր նվիրաբերությունները կուղղորդվեն անհրաժեշտ սարքավորումների ձեռքբերմանը», տարածած հայտարարության մեջ նշում է FPWC-ն:
Հիմնադրամի ներկայացուցիչները եղել են այրվող անտառում եւ տեսանկարահանել հրդեհը:
Ավելի վաղ տեղեկացրել էինք, որ «Խոսրովի անտառ» պետական արգելոցում օգոստոսի 12-ին հրդեհ է բռնկվել, այն դեռ չի հաջողվել հանգցնել,
ժամը 06:00-ին հրդեհաշիջման աշխատանքներում ներգրավվել է ՀՀ ՊՆ ավիացիայի 1 ուղղաթիռ: