Եվրասիական տնտեսական միության անդամ երկրները փոխադրումներ կազմակերպելու հարցում դեռ դժվարությունների են բախվում։ Այս մասին օգոստոսի 16-ին հայտարարել է ռուս փորձագետ Լեոնիդ Վորդովսկին՝ Աստանա-Բիշքեկ-Երեւան Մինսկ հեռուստակամուրջի ընթացքում։
Նրա խոսքով՝ Աստանայում կայացած Եվրասիական միջկառավարական խորհրդի նիստի շրջանակում 4 փաստաթուղթ է ստորագրվել եւ նրանք բոլորը սոցիալ-տնտեսական տեսանկյունից շատ կարեւոր են։
«Քիչ բան չի արվել միասնական տրանսպորտային տարածք ստեղծելու ուղղությամբ։ Բայց երկրները փոխադրումների հարցում դեռ դժվարությունների հետ են բախվում, մասնավորապես՝ դա վերաբերում է Հայաստանին եւ Բելառուսին, Ղրղզստանին եւ Ռուսաստանին։ Լուծված չեն մաքսային խնդիրները, շատ են տեխնիկական հարցերը, որոնք կարգավորված չեն։ Այստեղ համագործակցության համատեղ ձեւեր են անհրաժեշտ»,-նշեց Լեոնիդ Վորդովսկին։