Ոստիկանությունը չորս մարդու է որոնում, որոնք կարող են կապակցված լինել իսպանական Բարսելոնայում ու Կամբրիլսում տեղի ունեցած ահաբեկչությունների հետ։ Այս մասին հայտնել է La Vanguardia-ն։

Պարբերականի տեղեկություններով, որոնվում է Մուսա Ուքաբիրը (17 տարեկան), Սաիդ Աալլան (18 տարեկան) Մոհամեդ Հիչամին (24 տարեկան), ու Յունես Աբույաակումբը (22 տարեկան)։ Կասկածյալները 17-ից 24 տարեկան են, ծագումով մարոկացիներ, բայց ապրում են Ռիպոլ ու Ռիբես դե Ֆրեսեր համայնքներում։

Օգոստոսի 17-ին Բարսելոնի Ռամբլա փողոցում ֆուրգոնի վարորդը վրաերթի է ենթարկել անցորդներին։ Հարձակման համար պատասխանատվություն է ստանձնել ԻՊ ահաբեկչական խմբավորումը։

Դրանից հետո Կատալոնիայի ոստիկանությունը Կամբրիլսում ոչնչացրել է չորս ահաբեկիչների ու վիրավորել եւս մեկի, որը հետագայում մահացել է։ Ահաբեկիչները փորձել են ահաբեկչություն իրականացնել Բարսելոնում տեղի ունեցածի նմանությամբ։

Ահաբեկչության հետեւանքով, վերջին տվյալներով, զոհվել է 14 մարդ, տուժել ավելի քան 130-ը։