ՌԴ նախագահի վարչակազմում մտածում են այն մասին, որ երկրի նախագահի գլխավոր թեկնածուի մրցակիցը կարող է կին լինել։ Այս մասին գրում է «Վեդոմոստի»-ն՝ վկայակոչելով վարչակազմի ներկայացուցիչներին։ 5-7 թեկնածություն է քննարկվում, որոնցից երեքն «Արդար Ռուսաստան»-ից են՝ Ռուսաստանի կանանց սոցիալ-դեմոկրատական միության նախագահ Նատալյա Վելիկայան, Ազգային ծնողական կոմիտեի առաջնորդ Իրինա Վոլինեցը եւ կուսակցության կենտրոնական խորհրդի անդամ Իրինա Պետելյաեւան։
Վարչակազմին մոտ գտնվող աղբյուրներից մեկի խոսքով՝ կատարյալ տարբերակ է նաեւ Քսենյա Սոբչակը։ Նա ներկայացնում է ժամանակակից երիտասարդ կնոջ կերպարը, որը կցանկանար հայտնվել քաղաքականության մեջ։
«2018 թվականի ընտրություններին կանանց մասնակցությունը կանխատեսելի է՝ պետք է ինչ-որ կերպ փոխել սցենարը, որեւէ դրամատուգիա ներառել»,- ասել է քաղաքագետ Կոնստանտին Կալաչեւը։ Նրա կարծիքով՝ թեկնածուն պետք է լինի այնպիսի մի կին, որը կարողանա ձեւացնել, ինքնուրույն լինել։ Ըստ փորձագետի՝ այս առումով հեռանկարային են Դաշնային խորհրդի անդամ Ելենա Միզուլինան եւ պատգամավոր Նատալյա Պոկլոնսկայան։
