Սեպտեմբերի 5-ին ՄԱԿ Անվտանգության խորհրդում քվեարկության կդրվի Մալիի նկատմամբ պատժամիջոցներ սահմանելու բանաձեւի նախագիծը: Բանաձեւը Ֆրանսիան է ներկայացրել, հայտնում է AFP-ն:
Այս քայլին աջակցել է Մալիի կառավարությունը, որն ավելի վաղ հայտարարել էր, որ ջիհադականների կողմից հրադադարի ռեժիմի խախտումները սպառնում են տապալել 2015 թվականի խաղաղության համաձայնագիրը:
2012 թվականին Իսլամական ջիհադականները գրավել էին Մալիի հյուսիսում գտնվող տարածքը, սակայն 2013 թվականի հունվարին հետ են մղվել ֆրանսիացի զինվորականների օգնությամբ: 2015-ի հունիսին Մալիի կառավարությունը. Խաղաղության համաձայնագիր է ստորագրել զինված խմբերի կոալիցիաների հետ՝ ռազմական գործողությունները դադարեցնելու համար, սակայն գրոհայինները շարունակում են գործել, այդ թվում՝ Մալիի կենտրոնում:
