Իրաքյան Քուրդիստանում երեքշաբթի մեկնարկել է անկախության հանրաքվեին նախորդող քարոզարշավը, հաղորդում է տեղական RUDAW հեռուստաալիքը։
Լրատվամիջոցները հաղորդում են, որ քարոզարշավը կտեւի18 օր ՝ մինչեւ սեպտեմերի 22-ը։
Իրաքյան Քուրդիստանի ինքնավար իշխանությունները Իրաքից անկախանալու հանրաքվեն նշանակել են սեպտեմբերի 25-ին։ Բաղդադը, Թեհրանը, ինչպես նաեւ Վաշինգտոնը քննադատել են քրդական իշխանությունների այդ քայլը։ Նշվում է, որ այդ առթիվ Թուրքիան եւ Իրանը ընդհանուր դիրքրոշում են հայտնել՝ ասելով, որ հանրաքվեն կարող է լարվածության սրման պատճառ դառնալ եւ նախաձեռնությունից հրաժարվելու կոչ են արել։
Ինքնավար շրջանի ղեկավար Մասուդ Բարզանին արդեն հայտարարել է, որ մտադիր չեն քրդերը հանրաքվեն հետաձգել։
