Ռուս ընդդիմադիր գործիչ Ալեքսեյ Նավալինին հայտնել է, որ Մոսկվայի օդանավակայանում իր վրա «երեք չարք» է հարձակվել, որոնք իր ուսին նրբերշիկների կապ են գցել։ Դրանից առաջ Նավալնիի ուշադրությունը շեղել էր աղջիկը, որը խնդրել է լուսանկարվել նրա հետ, փոխանցում է Meduza-ն։
Նավալնին չի գրում՝ արդյոք հարձակվողներն իրեն որեւէ բան ասե՞լ են։ Հայտնի չէ, թե նրանց ակցիան ինչի հետ է կապված եղել։ Նավալնիի խոսքով՝ մերձակայքում գտնվող ոստիկանները պարզապես ժպտում էին։
Նավալնիի նախընտրական շտաբի ղեկավար Լեոնիդ Վոլկովը ենթադրել է, որ ակցիան սեպտեմբերի 5-ին տնտեսական զարգացման նախկին նախարար Ալեքսեյ Ուլյուկաեւի դեմ քրեական գործի նյութերի հրապարակման հետ է կապված։
Հրապարակված նյութերից պարզ է դառնում, որ Ուլյուկաեւին կաշառք են փոխանցել մեկ զամբյուղ երշիկի տեսքով։
