Լեհաստանում դատական իշխանության անկախության շուրջ հակամարտության պատճառով Բրյուսելն ուժեղացնում է ճնշումը Վարշավայի վրա։ ԵՀ-ն սկսել է Լեհաստանի իշխանությունների հանդեպ տուգանային գործընթացի երկրորդ փուլը, հայտնել է եվրոպական գերատեսչությունը սեպտեմբերի 12-ին։
Բրյուսելում հատուկ քննադատություն է առաջացնում վերջերս ընդունված օրենքը, որը նախատեսում է, որ արդարադատության նախարարն իրավասու է դատարանների նախագահներին հեռացնել պաշտոններից ու նրանց փոխարինել այլ թեկնածուներով։ ԵՀ-ն, որի ֆունկցիաներից մեկն է եվրոպական օրենսդրության կատարման վերահսկողությունը, պահանջում է Վարշավայից չեղարկել դատական բարեփոխումը կամ այն համապատասխանեցնել ԵՄ չափորոշիչներին։
Լեհաստանի կառավարությանը մեկ ամիս է տրամադրվել, որպեսզի կատարի ԵՀ պահանջները։ Հակառակ դեպքում Բրյուսելի գերատեսչությունը Եվրոպական դատարան հայց կներկայացնի Վարշավայի դեմ։ Այդ դեպքում Լեհաստանին կարող է սպառնալ խոշոր տուգանք։