Քաղաքականության մեջ ոչինչ չի կարելի բացառել։ Այդ մասին այսօր՝ սեպտեմբերի 14-ին ՀՀԿ Գործադիր մարմնի նիստից հետո լրագրողներին ասել է ԱԺ փոխնախագահ Էդուարդ Շարմազանովը՝ մեկնաբանելով «Ծառուկյան» դաշինքի առաջնորդ Գագիկ Ծառուկյանի հայտարարությունը։
Խոսելով հնարավոր կոալիցիայի մասին՝ Շարմազանովը հայտարարել է. «Տրամաբանական հայտարարություն է, քաղաքականությունը հնարավորինի արվեստ է։ Այսօր մեր օրակարգում, կարծում եմ «Ծառուկյան» դաշինքում եւս, կոալիցիա կազմելու հարց չկա։ Ոչ մենք ենք նման հարց քննարկել, ոչ ՀՅԴ-ն, ոչ «Ծառուկյան» դաշինքը։ Ապագայում, մեկ տարի հետո թե ինչ կլինի, ես միշտ կոչ եմ արել ժամակավրեպ գնահատականներ չհնչեցնել։ Եթե 2018 թվականին նման հարց լինի, ես նիստից հետո կհնչեցնեմ»,- ասել է ԱԺ փոխնախագահը։
Նա նաեւ նշել է, թե իրենք դեմ են «Ելք» դաշինքի առաջարկին՝ ԵԱՏՄ-ից դուրս գալու հարցով ժամանակավոր հանձնաժողով ստեղծելու մասին։
