ԱՄՆ-ի կողմից Ուկրաինայի իշխանություններին տրամադրված մահաբեր զենքը չի նպաստի Դոնբասում իրավիճակի կարգավորմանը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, հաղորդում է «Գազետա»-ն։
«Այս հարցը վարկի տրմադրման մասով վերաբերում է ամերիկա-ուկրաինական հարաբերություններին։ Պորոշենկոն նաեւ խոսել է մահաբեր սպառազինությունների մասին։ Սրա վրաբերյալ մենք բազմիցս նշել ենք մեր հստակ տեսակետը։ Առաջին՝ նման որոշումը իհարկե չի նպաստելու Ուկրաինայի հարավ–արեւելքում իրավիճակի կարգավորմանը։ Երկրորդ՝ հանգեցնելու է լարվածության տարածմանը։ Նախագահն այս կապակցությամբ եւս հայտնել է իր կարծիքը»,-ասել է Պեսկովը։
Նա նաեւ ընդգծել է, որ Կրեմլը տեղյակ չէ ամերիկյան կողմի արձագանքի մասին։
«Դա Պորոշենկոյի հայտարարությունն է, մենք չենք լսել ամերիկյան կողմի որեւէ հայտարարություն։ Դրա համար ես չգիտեմ՝ կան արդյոք նման հայտարորություններ»,- ասել է Պեսկովը։
Նա նաեւ հայտնել է, որ Վաշինգտոնը չի խոսել Ուկրաինային տրամադրվող վարկի մասին։
