ԱՄՆ պետքարտուղար Ռեքս Թիլերսոնը բարձր է գնահատել Հայաստանի գրանցած առաջընթացը։ Այս մասին ասված է ՀՀ անկախության 26-ամյակի կապակցությամբ նրա հղած ուղերձում։
«Մենք բարձր ենք գնահատում առաջընթացը, որը ձեր երկիրը գրանցել է անկախությունից հետո, եւ հպարտ ենք նրանով, ինչ արել ենք միասին։ Մենք լի ենք վճռականությամբ՝ Հայաստանում զարգացնել ժողովրդավարությունը, ինչպես նաեւ հուսալի եւ թափանցիկ տնտեսությունը։ Մենք շնորհակալ ենք ձեզ տարածաշրջանային կայունությանը եւ միջազգային խաղարարար գործողություններին հավատարիմ մնալու համար։ Մենք բարձր ենք գնահատում ամբողջ աշխարհում խաղաղություն պահպանելու այդ ջանքերը»,– ասել է Թիլերսոնը՝ հավելելով, որ ԱՄՆ–ը հույս ունի Հայաստանի հետ երկար տարիներ շարունակել բարեկամությունն ու գործընկերությունը։
