Իրաքում եւ Սիրիայում ռազմական գործողություններ տալու թույլտվությունը եւս մեկ տարով հետաձգելու Թուրքիայի խորհրդարանի քննարկումներին զեկույցով հանդես է եկել երկրի Պաշտպանության նախարար Նուրեթին Ջանիքլին։
Թուրքական Cumhuriyet-ի փոխանցմամբ՝ Թուրքիայի պաշտպանության նախարարը հայտարարել է, թե Իրաքի Քուրդիստանի հատվածում անկախության հանրաքվեն մարտահրավեր է Թուրքիային, որին պետք է պատրաստվել։ Նա նշել է, թե անկախության հանրաքվեն տարածաշրջանում հակամարտությունների նոր օջախներ կստեղծի։ «Այստեղից կրկին կոչ եմ անում քուրդ ղեկավարներին, որ հրաժարվեն հանրաքվեից։ Թուրքիան շեշտել է, որ աջակցում է Իրաքի տարածքային ամբողջականության պահպանմանը եւ քրդերի խնդիրները պետք է լուծվեն Իրաքի Սահմանադրության շրջանակներում»,-ասել է թուրք նախարարը։
Անդրադառնալով ԱՄՆ կողմից Սիրիայի քրդերին տրվող զենքերին, Նուրեթին Ջանիքլին հայտարարել է, թե այդ զենքերը վաղ թե ուշ ուղղվելու են Թուրքիայի դեմ։ «Այդ մասին մեր ձեռքում հետախուզական տվյալներ կան»,-ամփոփել է Թուրքիայի պաշտպանության նախարարը։
