Բուլղարացի ջրասուզորդը Հունաստանում մահացել է՝ խմբակային սուզման համաշխարհային ռեկորդ սահմանելու փորձի ժամանակ։ Նրա ամուսինը հոսպիտալացվել է կեսոնային հիվանդություն ախտորոշմամբ, հայտնում է «ՌԻԱ Նովոստի»–ն։

Միջադեպը տեղի է ունեցել Նեաս Մարմարիս բնակավայրում։ Խոսքը բուլղարացի զույգի մասին է։  Ջուրը սուզվելիս կինն անհայտ պատճառներով կորցրել է կողմնորոշումը  եւ զոհվել։

halkidikifocus.gr կայքի տեղեկություններով՝ ընտանեկան զույգը դայվինգի դպրոց ունի եւ որոշել էր խմբակային սուզման համաշխարհային ռեկորդ սահմանել։ 47-ամյա տղամարդն իրեն նույնպես վատ էր զգացել։ Թիմի մյուս անդամները նրան 3 ժամ շարունակ 10 մ խորության վրա էր պահել դեկոմպրեսիայի համար։ Դրանից հետո նրան կեսոնային հիվանդություն ախտորոշմամբ տեղափոխել էին Սալոնիկի հիվանդանոց։