Կանադայի վարչապետ Ջասթին Թրյուդոն ծանր օրեր է կանխատեսում Ազատ առեւտրի հյուսիսամերիկյան համաձայնագրի փոփոխությունների վերաբերյալ բանակցություններից առաջ, հաղորդում է Reuters-ը:
«Բանակցությունները դեռ շարունակվում են եւ, իհարկե, կլինեն ավելի բարդ քննարկումներ», - ասել է նա՝ պատասխանելով այն հարցին, թե արդյոք կան մտավախություններ, որ բանակցությունները կարող են նախատեսվածի պես չավարտվել:
Օտավայում ամերիկյան կողմը մասնակիորեն կհրապարակի Ազատ առեւտրի հյուսիսամերիկյան համաձայնագրում ներդրումների մասին գլխի փոփոխված տեքստը:
ԱՄՆ նախագահ Դոնալդ Թրամփը, ով հաճախ է NAFTA պայմանագիրն աղետ որակում, սպառնում է դուրս գալ դրանից, եթե լուրջ փոփոխություններ չկատարվեն: