Հայաստանը ինտերնետ տրաֆիկի՝ Միջին Ասիա տարանցման վերաբերյալ բանակցություններ է վարում: Սեպտեմբերի 26-ին՝ մամուլի ասուլիսի ժամանակ, այս մասին հայտնել է Հայաստանի տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը:
Նրա խոսքով, տարանցումը դեպի Իրան և Իրաք արդեն տեղի է ունենում: Այժմ ներդրողները Իրանի միջով դեպի Թուրքմենստան և այլ միջինասիական երկրներ դուրս գալու ծրագրեր ունեն: «Բանակցությունները, որոնք նրանք վարում են, դեռ չեն ավարտվել, այդ պատճառով հստակ ինչ-որ բանի մասին խոսել չեմ կարող: Բայց կսպասենք լավ արդյունքների»,-ասել է Մարտիրոսյանը:
Հարցին, թե մրցակցու՞մ է արդյոք Հայաստանը Ադրբեջանի հետ, նա պատասխանել է. «Մրցակիցներ միշտ էլ կան»։
