Իրաքի Քուրդիստանում հանրաքվեի պատճառով Թուրքիան կփորձի ուժ գործադրել, սակայն դա սխալ է։ Այս մասին սեպտեմբերի 28-ին լրագրողների հետ հանդիպմանն ասել է ՀՅԴ Բյուրոյի Հայ Դատի եւ Քաղաքական հարցերի գրասենյակի ղեկավար Կիրո Մանոյանը։
Անդրադառնալով հարցին, թե որքանով են հնարավոր Թուրքիայի եւ Իրանի կողմից ռազմական գործողությունները, նա նշեց. «Բացառված չէ, որ Իրաքը նույնպես ուժ կիրառի։ Իրաքի Քուրդիստանը կարող է բանակցություններ վարել նաեւ Բաղդադի հետ»։
Հիշեցնենք, որ Իրաքի Քուրդիստանում անկախության հանրաքվեի արդյունքում քվեարկողների 93 տոկոսը կողմ է քվեարկել անկախությանը։