Սոցցանցերի թուրքական տիրույթում մեծ արձագանք է գտել «Ազգայնական շարժում» կուսակցության երիտթեւ հանդիսացող «Իդեալիստական օջախների» Ստամբուլի գրասենյակի փոխնախագահ Դենիզ Գյուզելայի տեղադրած լուսանկարը։
Թուրքական Cumhuriyet–ի փոխանցմամբ՝ «Իդեալիստական օջախների» Ստամբուլի գրասենյակի փոխնախագահ Դենիզ Գյուզելայը սոցցանցերում ավտոմատ հրազենով լուսանկար է տեղադրել ու գրառում արել, որ 5 հազար ազգայնականներ պատրաստ են մեկնել Քիրքուկ եւ պաշտպանել թուրքմենների անվտանգությունը։
Նշենք, որ օրեր առաջ «Ազգայնական շարժում» կուսակցության նախագահ Դեւլեթ Բահչելին հայտարարել էր, թե 5 հազար ազգայնականներ պատրաստ են մեկնել Հյուսիսային Իրաք։
