Մեծ Բրիտանիայի կառավարությունը ծրագրի վրա է աշխատում այն դեպքի համար, եթե ԵՄ-ի հետ Brexit-ի հարցով բանակցություններն ավարտվեն առանց համաձայնագրի կնքման: Այս մասին BBC-ի հետ հարցազրույցում հայտարարել է Մեծ Բրիտանիայի վարչապետ Թերեզա Մեյը:
Նրա խոսքով՝ ինքն այնպիսի տպավորություն ունի, որ Ֆլորենցիայում Brexit-ի հարցով իր ելույթը բանակցություններին խթան է հաղորդել, եւ ինքը հույս ունի համաձայնագրին հասնել 2019 թվականի մարտին: «Կառավարությունը նաեւ աշխատում է գործողությունների ծրագրի վրա այն դեպքում, եթե չհաջողվի համաձայնագրին հասնել: Մենք նաեւ աշխատում ենք այն բանի վրա, որ հասնենք Միացյալ Թագավորության համար ձեռնտու պայմանագրի»,- նշել է Մեյը: