«Թղթակիցներ առանց սահմանների»-ն պնդում է Ինտերպոլի բարեփոխման մասին, որպեսզի երկրների կառավարությունները չկարողանան այս միջազգային ոստիկանական կազմակերպությունն օգտագործել իրենց ընդդիմախոսների քաղաքական հետապնդումների համար:
«Ինտերպոլն ավտորիտար ռեժիմներին չպետք է թույլ տա իրեն որպես աջակից օգտագործել անցանկալի լրագրողներին հետապնդելիս»,- կիրակի՝ հոկտեմբերի 1-ին, հայտարարել է «Թղթակիցներ առանց սահմանների» կազմակերպության գերմանական բաժանմունքի ղեկավար Քրիսթիան Միրը, փոխանցում է DW-ն:
Նա դժգոհել է, որ «բռնակալական ռեժիմներն ավելի հաճախ եւ ավելի հանդուգն ձեւով են» Ինտերպոլն օգտագործում՝ նույնիսկ էմիգրացիայում իրենց քննադատներին հետապնդելու համար՝ նշելով, որ ձերբակալությունների մասին Ինտերպոլի բավարարած հայցերի թիվը վերջին 10 տարում 5 անգամ մեծացել է՝ 2006 թվականի 2804-ից մինչեւ 12,878 2016 թվականին: «Չի կարելի մարդուն արտահանձնել մի երկիր, որտեղ նրան անարդարացի դատավարություն է սպառնում կամ նույնիսկ խոշտանգումներ»,- ասել է Քրիսթիան Միրը:
