Հայաստանը կշարունակի սպառազինության գնումները: Հոկտեմբերի 2-ին կայացած մամուլի ասուլիսի ժամանակ այս մասին ասաց պաշտպանության նախարար Վիգեն Սարգսյանը՝ ամփոփելով մեկամյա գործունեությունը:
Պաշտպանության նախարարը հիշեցրեց, որ սպառազինության ոլորտը փակ թեմա է, եւ այս պատճառով չի կարող հատուկ տվյալներ ներկայացնել: «Տարին հաջող էր բանակին սպառազինության մատակարարման մասով»,- նշեց նախարարը՝ հավելելով, որ գործընթացը կշարունակվի ՌԴ-ից ստացած վարկի եւ այլ ծրագրերի շրջանակում:
